餐廳
/
九龍西

KARAYAMA 淺草炸雞

話說呢間店喺黃大仙中心開嘅第一間店已經排到癡咗線,而我就去咗比較隔涉嘅第二間分店一試究竟。

唔知係咪新開關係,暫時餐單都幾”Dry”下。但簡單黎講就係”雞,全部都係雞”,唔同價錢主要係醬料分別,如果食”KARAYAMA定食”就會包曬三款醬,其他餐的話都只會包其中一隻醬。我食嘅炸雞飯有三件雞,雞我覺得呢個係唔錯嘅。至個汁係咩味就真係講唔出,因為如果唔係定食的話醬汁唔係碟上,係淋喺啲椰菜絲上面。本身醬汁已經唔多,仲要咁樣淋法,基本上食雞食唔到醬汁味,撈飯又唔夠撈。我諗佢啲醬汁應該幾矜貴下,其實點解唔碟上呢?  建議如果幫襯的話都係食飯個定食比較好,因為去到食但又無食到佢最hard sell嗰樣嘢(醬汁)好似唔知點咁。

至於我唔食定食嘅原因,係因為有四件雞,其實佢啲雞份量唔少,碗飯又大,撇除醬汁問題我覺得唔食定食係正確決定。至於值唔值得試,我會話係唔差嘅,但唔駛特登去排成粒鐘嗰隻。炸雞黎講係睇兩樣,雞靚唔靚,係咪即炸,即炸的話基本上一定好食。咁點先係即炸? 咬開塊炸皮入面仲出緊煙就係即炸,芝脆雞/脆味批係表表者。

2017-09-12

Read More
Model X Friendly
中伏
充電站
推薦
方便泊車