餐廳
/
新界西

i’s cream trattoria – 為了軟雪糕

我係軟雪糕控,每次去台灣會食均7仔,全家甚至OK嘅唔同口味軟雪糕。 軟雪糕曾經喺香港係垂手可得,七仔同OK都有,無記錯可以賣到HK$2一個細筒,可能因為土地問題,雪糕機佔位太多收益太少所以唔見曬,得返富豪同麥記(同埋IKEA)。不過近年可能佢地發現軟雪糕原來可以賣到咁貴,所以選擇總算多返,東海堂有,有幾間七仔都有。

七仔依家賣軟雪糕係定期轉味,之前汐止密瓜算係有驚喜,但近期隻波子汽水味可以話係劣食級別。但有啲雪糕味係永恆嘅,雲呢拿同朱古力都係食極唔厭。見七仔無咗朱古力味,我走咗去青衣美景花園巴士站一家小店買軟雪糕。

之前有食過呢間嘅雲呢拿味軟雪糕,覺得比較水。相對之下朱古力相當濃味,絕對一下次。另外老闆有做其他甜品蛋糕等等,我試過堂食焦糖燉蛋,份量比一般甜品店多好多,算係抵食嘅。
呢間鋪Openrice搵唔到,唔好話青衣友唔知,連住樓上嘅Friend唔講都無試過,我覺得呢間值得推介同支持 ,希望唔會__ ………..

Read More
Model X Friendly
中伏
充電站
推薦
方便泊車