餐廳
/
九龍西

鍋心 八鮮蒸鍋

第一次”鍋心”唔係食蒸鍋,而係同系嘅粥底火鍋,雖然唔係任食,但一樣係攬住個肚走,同埋海鮮生猛到不得了,店內特別有提示海蝦要夾落鍋度一段時間先好放手,因為怕海蝦未死會跳返上黎。

蒸鍋收費每位HK$268,包老火湯一碗,八款海鮮,再加一盤蒸飯。海鮮每晚大致一樣,但可以選每款海鮮選用嘅醬料(除咗花甲一定係清蒸)。蒸海鮮部份基本上全部由侍應代勞,服務唔錯,但如果坐位比較偏的話可能要多用幾分力叫侍應。特別推介係沙爹蒸鮮魷魚腸粉,魷魚腸粉同沙爹汁出奇地咁夾,可以獨立拎出黎擺檔賣。

當你食完龍蝦同蟹等八款海鮮準備埋單之際,爭啲忘記仲有一大盤飯。蒸飯可以揀八款餸,好多人怕蝕底會有咁多肉揀咁多肉。但信我,我未見過有人可以食得曬所有海鮮之後仲可以食曬盤飯,只能打包,美食當前,食得滿足好過食到反胃,建議蒸飯多揀蔬菜類,肉類推薦”梅頭肉”。

食過三次鍋心蒸鍋,三次都Keep到水準,唯一唔係太滿意係無濕紙巾,需知道食得海鮮點都要落手,有濕紙巾會比好。基本上係一定要訂位先有得食,留意宵夜場(即十一點後),可以兩個人叫一人份量,其實如果唔係太大食,兩個人食一人份量都食得飽。

2017-08-17

Read More
Model X Friendly
中伏
充電站
推薦
方便泊車