景點
/
日本

天神橋筋商店街

No post was found with your current grid settings. You should verify if you have posts inside the current selected post type(s) and if the meta key filter is not too much restrictive.
交通: 坐大阪環狀線喺天滿站行幾步路就到。

大阪比較近市區而又無乜外地遊客嘅商店街,購物未必好吸引,不過食市林立,而且消費較難波市中心平。

當日去食咗當區壽司名店”春駒”,水準唔錯。留意weekend去可能要排隊,而”春駒”係有兩家分店,可以衡量下邊間少人啲再揀去邊間排隊。

另外推介天神橋筋商店街附近另一條”天五中崎商店街”,由天神橋筋商店街行過去街頭有一間食八爪魚丸,門面非常破舊,但出奇地好食。

我唔算經常食八爪魚丸,但有食過道頓崛一蘭隔離排長龍嗰間,唔知古早味係咪咁,但真係食唔慣成口漿,一夾已經變咗一pat嘢無咗個波型,葵廣間章魚無雙都好食過佢。呢間睇佢整嗰陣啲漿比較稀,然後重覆落漿幾次。成品似係一塊少少脆嘅皮包住八爪魚,一般八爪魚丸食八粒應該已經好似食咗個正餐咁,但呢個比較”空心”,想小食多餐的話都可以食夠八粒 (最低消費係400yen八粒,如果想堂食就每人最低消費食八粒,或者可以order冰品)。

八爪魚丸傳送門: https://goo.gl/maps/gZq7QCUgXMH2

最後建議可以考慮行程Last Day去呢度,因為附近有一個類似街市嘅天滿市場,可以買到當造水果兼幫你裝箱 (水果唔放得耐,所以最好Last Day去)。最好問一問佢地唔同水果可以擺幾耐,同埋想食甜即管問佢地邊啲甜啲,佢真係會答你(我問嘅時候地庫嗰間俾埋我試食)。

2017-08-09

 

 

Read More
Model X Friendly
中伏
充電站
推薦
方便泊車