To share what i see... http://www.netbugs.hk Everthing that has a beginning Mon, 17 Nov 2008 16:53:45 +0000 http://wordpress.org/?v=2.6.2 en WiiFit真的可以減肥嗎？ (Week 0) http://www.netbugs.hk/2008/11/18/53/ http://www.netbugs.hk/2008/11/18/53/#comments Mon, 17 Nov 2008 16:45:27 +0000 admin http://www.netbugs.hk/?p=53
雜物房的一角……

想當年，小弟真係一個食極都唔肥o既人，因此朋友甚至屋企人都有錯覺以為我唔多食野，所以放工屋企果餐碗飯唔係自己添o既話婆婆一定堆金字塔咁，阿媽Weekend買外賣俾我一定買雙份。事實上，我係好擦得 XD …… 依家”問題”黎喇！今日岩岩去拎驗身報告，原來已經過肥，可能真係少做運動，又坐得多，咁點算呢？節食對我黎講同跳樓分別真係唔大，我係唔會咁睇唔開。所以我決定從雜物房拎返買咗返黎玩唔多過十次o既………WiiFit出黎!

今次測試除o左希望幫下自己用最懶方法以不節食(部份食物盡量戒口)為大原則減肥(其實講到尾係減肚腩)，亦都想試下係咪日日開部WiiFit出黎做運動真係可以幫到你減磅。暫定有以下目標：

- 每星期做不少於四日
- 每日做一次，每次不少於廿分鐘

兩星期後再檢討駛唔駛加練 XD 下星期再為各位報告。


WiiFit, Wiimote, Wii Console，傳說中o既”封塵三俠”


WiiFit顯示24.26BMI係標準，BodyCheck顯示23.99BMI，但標準係唔多於22.9 = =



22分鐘並唔係想像中咁易過，話就話打機……都幾費力氣




]]> http://www.netbugs.hk/2008/11/18/53/feed/ [為食短評]聯記川王 http://www.netbugs.hk/2008/11/17/47/ http://www.netbugs.hk/2008/11/17/47/#comments Sun, 16 Nov 2008 18:08:39 +0000 admin http://www.netbugs.hk/?p=47 經過極品介紹後，小弟帶各位由一個地獄就去另一個地獄 - 食辣o既地獄。今日無意中睇睇下開飯得知有間食四川菜o既小店，其中網頁介紹o既酸辣粉我記得係曾經食過，就係幾年前o係舊老細度做野老闆娘買俾我食，所以一見之下剛剛晚上就決定去紅磡見識下。好可惜，酸辣粉賣晒，淨係試左麻辣牛脷同豬耳涼麵。一般食開o既辣係真係得個辣，食到頂唔順，投降唔食。聯記o既辣唔係得個辣字，辣中有味，食完條脷真係會麻，唔食過真係唔知咩叫麻辣，喜歡食辣o既人一定會喜歡聯記。不過留意，由於老闆每逢月尾廿一到廿七號都會返四川買料，期間會停業，去到實摸門釘 :p

未能食素聯記川王涼粉 - atnextmotor.com
聯記川王 - openrice.com
TEL:21277559
地址：紅磡黃埔街1號地下 (即係時新隔離)

]]> http://www.netbugs.hk/2008/11/17/47/feed/ 九唔搭八上海菜 http://www.netbugs.hk/2008/11/16/45/ http://www.netbugs.hk/2008/11/16/45/#comments Sat, 15 Nov 2008 18:32:40 +0000 admin http://www.netbugs.hk/?p=45 大家都知小弟最愛台灣，其中一個原因係台灣人服務態度好很多。林海峰o係自己棟篤笑都總結過香港服務態度 - “多晒”，名符其實求鬼其。我聽得最多果句”多謝支持環保”，真係聽唔出佢有幾多謝我支持環保，有時真係覺得，咁例行工事o既話其實我唔介意你唔講的。小弟幾乎每次去台北都會幫母親去一間鋪頭買文具，員工唔係大家o係無名小站睇開果o的台妹，不過對客戶o既笑容，一句多謝都俾香港的鋪頭員工來得真心。試過一次o係台灣食Shabu Shabu，定時定後會有人問你駛唔駛添蔬菜，講緊兩個人埋單只o係港幣二百元有找o既食店，香港何來這樣的服務？

小弟一直本著理解同忍耐的態度接受一些不合理的服務態度，不過真的不得不為各位”推介”呢間”極品“。話說小弟母親去呢間上海菜餐館外賣幾個菜肉包，當母親問可唔可以買多兩個，個Waiter竟然同我阿媽講：係咪玩野呀？過了一會，母親再問要等幾耐，個Waiter再答：依家唔駛整呀？ 嘩，又話金融海嘯o既？幾時到呢間摺？

PS：我唔係單單因為呢個原因為各位推介呢間”極品”，其實早前都有提及過。話說小弟好耐之前去食飯，諗住點個菜飯，Waiter竟然話：無菜飯喎，但你可以叫碟菜加一碗白飯。請恕小弟真係從未食過無菜飯甚至唔知咩係菜飯o既上海菜館。仲有好似炸過食落脆過薯片睇落成舊炭o既炒鱔都令我留下深刻印象。各位，我地覺得食o既野好食係因為食過難食o既野，如果係咁大家可以試下呢間極品喇!

]]> http://www.netbugs.hk/2008/11/16/45/feed/ 香港病了 http://www.netbugs.hk/2008/11/13/41/ http://www.netbugs.hk/2008/11/13/41/#comments Wed, 12 Nov 2008 18:54:30 +0000 admin http://www.netbugs.hk/?p=41 我有好多事都不明白，點解BUSH競選連任仲會有人選佢？點解陳水扁競選連任仲會有人選佢？點解阿扁今時今日變埋2630仲會咁多Die hard fans？究竟支持佢地o既人心入面點諗？真的很難想像……

看過木村的CHANGE，再看看今天的立法會通過特權法查雷曼，感嘆香港真的病了。我相信有不少市民仍然覺得那些雷曼苦主貪錢，抵死。但那些苦主部份於銀行一直在做定期，息率的確跟迷你債券接近，用貪錢，抵死形容他們有欠公允，銀行欠打門的不只是金錢，還有一個公道。

很難想像最積極為銀行護航的是我們的政府，陳家強局長一直強調展開調查會影響香港國際金融中心地位，敢問影響是指甚麼影響？如果銷售手法存在根本問題，那很自然會推上到監管問題，如果不調查就不會影響香港國際金融中心地位，那無王管是否香港國際金融中心的核心價值？如果監管出了問題，應該盡快糾正，避免再有類似雷曼苦主情況出現，而這個就是政府應該做的，現在最高調反對調查的竟然是政府，我還可以對政府有甚麼期望嗎 ?

那邊廂民建聯強調苦主取回本金先決，不是昨日有苦主又跪又拜民建聯副主席，今天他們會投支持票嗎？ 我不知道，但一個要市民”又跪又拜”的政黨有幾好大家好想而知。現在就好像路人甲被朳銀包，警察來到，賊人把銀包丟到地下走了，警察告訴路人甲：不要再追，取回銀包就好了。這是甚麼道理？民建聯到底在怕甚麼？

]]> http://www.netbugs.hk/2008/11/13/41/feed/ do we need CHANGE? http://www.netbugs.hk/2008/11/04/39/ http://www.netbugs.hk/2008/11/04/39/#comments Tue, 04 Nov 2008 08:46:55 +0000 admin http://www.netbugs.hk/?p=39 我經常同人講：廚藝差煮野食最多都係唔好食，要難食其實都幾難。如果用食物形容政治，當今政治的確係好難食。

如果要講以政治為題材o既劇目，香港首推東宮西宮，而小弟岩岩就睇緊由木村拓哉主演日劇CHANGE。

CHANGE講述做小學教師o既木村因為某些原因做左議員，繼而又因為某些原因做左總理o既故事。劇中用顯淺易明方式帶出日本國民需要甚麼的政治，甚麼的人管治國家。其中深津繪里在劇中形容飾演總理的木村說話具感染力，雖然說話的內容理所當然，但國民總是很相信。呢句說話好適合形容美國民主黨的奧巴馬。劇中o既總理極度理想化，如果同當今日本首相麻生太郎比更加是天馬行空。但CHANGE仍然有其可觀之處，觀眾可以多點明白政治，而木村並未有因為”未夠老”做首相而顯得吊兒郎當。

CHANGE係近年小弟睇過”白色巨搭”之後比較言之有物o既電視劇。

]]> http://www.netbugs.hk/2008/11/04/39/feed/ 別怪他 http://www.netbugs.hk/2008/11/04/37/ http://www.netbugs.hk/2008/11/04/37/#comments Tue, 04 Nov 2008 07:54:01 +0000 admin http://www.netbugs.hk/?p=37 小弟記得好幾年前，想打去o的電訊服務公司熱線搵個”人”聽電話係一件幾咁難o既事。還記得當年打電話去香港寬頻，當你揀完廣東話同技術支援之後，就會一連串畫鬼腳問題，例如”有無查過控制台TCP/IP設定？有請按一，無請按二”，你要答晒差唔多十題畫鬼腳問題証明你係真係上唔到而唔係自身電腦問題先會轉駁去真人接聽。唔好以為聽到”你好，香港寬頻，我係NetBugs，有咩幫到你？”就係終點，其實呢個先係艱辛o既開始，因為呢o的CS(唔只香港寬頻)佢地First Priority係Prove個問題唔關佢地公司，而唔係幫個客解決問題。而作為”客”o既我First Priority就係說服CS個問題係關你地公司事，令CS肯定你做Further Action。友人曾經有個Case係用網上行，有時上到網有時上唔到，聽落好虛無縹緲，其實可能係因為Netvigator Load Balancing 問題，令每次上網只能夠上到尾數係單數或者雙數o既網站，即係依家上到單數IP網，就會上唔到雙數IP網，重新連線後就會倒轉。慶幸小弟遇過呢個情況所以可以幫友人表達俾CS聽呢個問題，如果唔係CS只會同友人講：你CHECK左你部電腦先啦，我地好正常喎。

聽起上黎呢班CS真係好黑人憎，但作為CS界別一份子o既我，小弟係好理解的。大ISP每個CS員工平均每日分分鐘聽過百個電話，其實過半查詢往往都真係唔需要打電話問但係可以講成半粒鐘，CS都係人，聽得多呢o的客查詢坦白講真係好難再客觀去判決個問題係關邊個事。所以真係希望各位網友打電話問問題前Check清楚避免呢個惡性循環加劇。

]]> http://www.netbugs.hk/2008/11/04/37/feed/ 是日金句 http://www.netbugs.hk/2008/11/04/35/ http://www.netbugs.hk/2008/11/04/35/#comments Tue, 04 Nov 2008 06:39:20 +0000 admin http://www.netbugs.hk/?p=35 彭定康對曾蔭權有信心

“如果換轉係我俾人定蕉，我會拎返屋企加送”

我唔知彭定康係咪一個好政客，不過一定好過……….


]]> http://www.netbugs.hk/2008/11/04/35/feed/ 白日夢：公屋中產化 http://www.netbugs.hk/2008/10/29/33/ http://www.netbugs.hk/2008/10/29/33/#comments Wed, 29 Oct 2008 09:51:12 +0000 admin http://www.netbugs.hk/?p=33 毓民錠蕉大家都話唔係咁適合，但我夠膽講，過半數香港人暗地裡心存興奮，覺得毓民Good Job！近期不論街市同屋村商場租戶，都對領匯大幅加租深感不滿。我夠膽講，全數領匯股東暗地裡心存興奮，都覺得領匯Good Job，賺多左錢，派息多左股價升，有咩唔好？同埋遲o的公屋係唔會再有人去街市呢o的咁唔衛生o既地方。

大家以為公屋係公公婆婆先住，原來依家愈來愈多年青兼大專學歷爭奪公屋Quota，情況有如A level同CE學生爭入IVE讀High Dip。呢批高學歷，唔知點解勁低收入o既人，其實消費力奇高，領匯應該將所有屋村商場引入LV，Prada，Cartier品牌，逃汰A貨LV雜貨舖。街市全部變身Taste，Citysuper，咁先係真正迎合呢批公屋住戶所需。

]]> http://www.netbugs.hk/2008/10/29/33/feed/ 白日夢：雷曼是零 http://www.netbugs.hk/2008/10/29/31/ http://www.netbugs.hk/2008/10/29/31/#comments Wed, 29 Oct 2008 09:22:04 +0000 admin http://www.netbugs.hk/?p=31 雷曼事件某銀行率先派彩，那些投資產品大部份回購價係……零！如果從大家比較認識o既窩輪角度睇，金錢變廢紙並不是甚麼新奇事，現在針酌的是銀行銷售方式。無論如何，兩三個星期前一二三四五六叔都未敢講回購價值o既事候，曾特首以行先死先大無畏精神率先為各苦主報價 - 仲有六七成！如今渣都無得淨，政府由監管責任問題升級至誠信問題，俗o的講就係拿屎上身。既然曾特首覺得o的投資產品仲咁值錢，不如由政府出資回購，你地估下納稅人制唔制？

PS：希望個Ending真係發白日夢先見到……

]]> http://www.netbugs.hk/2008/10/29/31/feed/ 白日夢：終極解決兩隧問題 http://www.netbugs.hk/2008/10/28/29/ http://www.netbugs.hk/2008/10/28/29/#comments Tue, 28 Oct 2008 07:51:02 +0000 admin http://www.netbugs.hk/?p=29 政府高官不知民間苦況，不知紅隧有幾擠塞，可能佢地真係搭火箭過海吧。小弟俾個建議政府，唔單只解決兩隧問題，仲可以解決中環塞車同埋中上環商業區供不應求o既問題，就係……填海!!

既然維港愈填愈窄，倒不如填滿佢，以後唔使隧道，唔使渡輪都可以由尖咀行過去灣仔，將來灣仔條行人天橋唔單只可以行去會展同稅務大樓，終點會Extend到文化中心。依家係豪宅o既凱旋門將來中產都由資格買，中環可以起多幾棟IFC，繼珠三角融合後，我地黎多個中環尖咀融合，建構香港最大商業區。政府多左塊突大土地，西九文娛區搞唔搞地產，Who Cares？

坦白講，維港空氣咁差，要唔要都無所謂了，係政府先可以咁口面皮將個維港CG到藍得咁假。

]]> http://www.netbugs.hk/2008/10/28/29/feed/