一直以來我都覺得政府”有o的問題”，但係要我講我又唔知點形容。直到特首提出六大產業(黃毓民稱六大陷家產業 / 施永青稱六大渺茫產業)，我終於知到政府問題係咩 – 不務正業，政府比市民行前一步提新政策不為過，但新政策之前竟然可以無視社會既有問題我就覺得有點兒那個。
政府並非一間公司，唔可以學某些學者或者”骷髏會“講一句”貧富懸殊係解決唔到”輕輕帶過。小弟趁是晚失眠，就當我是但UP求其寫，寫下如果我是當奴既話我會做o的咩。(以下內容純粹老吹，睇故唔好駁故)
- 政府應該重新擬定包括內地單程證來港在內之移民法例，所謂優才輸入講穿左只係申請一本特區護照，但點講都好佢地都係要講”資格”。無論優才定唔係優才，移民到香港都應該有需要有一套更嚴格既審批制度，否則在可見將來會有更多社會問題出現。
- 基於地少人多的獨特地理環境，政府應該在下一次樓市泡沫爆破前諗清楚一個問題：買樓是不是應該是一項投資?係既話可以繼續話之佢，但係一定要加強公屋同居屋規劃。唔係既話對於泡沫後升浪就唔能夠過急。
- 政府應該簽定法例禁止再於維港填海，避免填填下變左條河。如果話因為交通濟塞所以就要填海其實唔太講得通，因為以中環灣仔為中心既港島商業區其實一路擴展緊，今次俾你填海搞繞道，咁下次呢？我覺得政府應該帶頭將政府部門逐步北移到新界區，例如天水圍。其實我覺得之前蔡瀾話o係天水圍搞大笪地絕對係有得做，甚或與其食環署要車仔檔走鬼，不與規範佢地確保車仔檔安全性。搞大笪地再加比以前添馬艦規模更大既嘉年華式主題公園，呢o的咪就係”活化”o羅。
有時講真係天下無敵，就當我係發開口夢啦 ZZZzzz
今日晏晝落Taste買麵包，我前面得兩個師奶等緊俾錢，當Cashier o都到一盒HK$20蚊蛋糕既時候………
師奶A：都係唔要喇
Cashier：好……呢件唔要…..
師奶B：點解唔要呀？
師奶A：咁貴……
師奶B：試下丫麻
師奶A：咁買啦，我要返呢件……..
點解呢對師奶買野之前唔睇下價錢呢? 有時o係便利店或者超市買野真係幾複雜…….先生有無自備購物袋呀？多謝支持環保!!先生買唔買利賓納橡皮糖今日特價？先生有無易賞錢卡？先生Look卡定o都卡呀？先生用唔用Enjoy Dollar呀？分分鐘佢問你既問題多過你買緊既野。難怪師奶活躍股壇，今日你開市時間，買和黃股票要用既時間一定比落百佳買野短得多。大家都要”排隊”，不過一般都唔駛等好耐，唔會有人問你有無自備購物袋，唔會有人問你：先生有無興趣買埋1097，岩岩落左好多喎!! 唔會問你點俾錢，銀行懶安全，限制特別多，唯獨炒股戶口，有心跳既人都開到…….講左咁多廢話，唔知o的超市可唔可以簡化下Cashier o的台詞？既然多謝支持環保唔係真心，出位價既野又唔係咁出位，不如唔好講啦，我地受夠喇!!
尋日報紙有單新聞，有位中年漢因為不滿收費電視欺騙手法推銷兼中招，前日去左自殺。好多人當呢單新聞係笑話咁睇：乜咁都得？使唔使自殺呀？小弟覺得呢o的新聞一o的都唔好笑，收費電視只係導火線(但亦難詞其咎)，真正原因可能係生活壓力，當人由支配情緒變成被情緒支配，任何事都會變得不理智。我可以o係度大大聲話係生活壓力既錯， 但係可以點解決？我真係唔識教人，只能說這些是香港社會這個壓力煲下犧牲品。
大約兩年前，小弟公司部份網絡轉用左H公司，本來都無咩事…..應該係話，一般唔爆鑊既我唔搵佢佢唔搵我其實無咩問題，最怕係出事，點知真係出事。
上年新年o個陣，Network俾人炸鑊勁，一般情況下Datacenter係可以鎖定來源或目標IP進行封鎖，半小時內定必Settle到個問題，最Worst Case都係鎖俾人炸既IP而唔係成個Network。當時係零晨四點幾，我打去所謂24×7既Hotline，好快就有人聽電話，不過原來佢係人肉留言信箱，有問題要等到Office Hour覆，天呀，咁要24×7黎做乜？我記得最後係十一點幾先恢復正常(其實之後有一日因為佢系統搞錯停左我戶口，詳細唔講喇)。
後來我同客交代左係因為H公司問題所以停左幾個鐘，可能因為有客Post左個Notice上H公司論壇，H公司有Staff打黎搵我，我當初仲以為係想關心我Network點解會搞成咁，原來係話因為”上面”覺得Notice咁寫有問題，要告我。我真係食唔安訓唔落左好幾日，o個陣有一晚，Ex阿媽生日，我上左去佢屋企慶祝，見到伯友當然係笑面迎人，但內心其實已經崩潰了大半，我唔敢同阿媽講，又唔敢同Ex講。到第二日，佢地再打黎話要我改左篇Notice，我提出左一個好簡單既條件：可不可以承諾提供好的服務給我們？沒想到她拒絕了這樣的條件，但最後我們還是按照她的要求改左Notice。那天我真的完全崩潰，因為我完完全全違反了自己的原則，我唔敢講我無錯，不過我真的想像不到佢可以連”提供好的服務”都承諾唔到。這陣子心情很低落，我嘗試叫自己想一些開心的事情，最後哭了出來，因為真的想不出，可悲的是我真係有諗過去尋死，可喜的是我怕死……..所以我選擇睇醫生……
我因為呢件事在H公司老闆Blog留左個Message，我好詳細地告御狀，將整件事經過一一道出，最後他真的有回覆我：
”你所提及的問題我絕對不希望發生，而且，不論是大公司還是小公司，都是我們的重要客戶；客戶服務，應該一視同仁！希望閣下的問題得到解決，非常抱歉。”
我唔敢講佢有無幫到我，不過我的確可以提早解約。這篇Blog目的唔係要彈呢間公司怎樣怎樣，到現在為止我屋企同公司寬頻同電話都係用佢。小弟只係覺得香港真係好似有個壓力煲，每一個人都有爆炸的可能，沒有根治的辦法。可以的話，朋友們對任何人都盡量嘗試將心比己吧，雖然將心比己大部份時間吃力不討好，人們都會先看重自己利益，但我深信愈來愈多人有這樣的心態壓力煲才能得以舒緩。
經過NNN咁多年，人類不斷發展，我地由爬進化到行，再進化到以交通工具代步，究竟再進化的話應該進化o的乜好呢？
我認為人類個Pat Pat可以考慮好似汽車咁加兩盞尾燈，你地都知啦，香港地少人多，行o的細些少o既商場都經常出現水洩不通o既情況，而水洩不通通常係因為有o的人行行下停o左o係路中心望下旁邊舖頭有乜野賣，如果人類進化到Pat Pat有兩盞尾燈，當佢地停低o個陣Pat Pat就打雙燈，我地就可以醒水避開佢再繼續行。又例如商場或者港鐵電梯上落位，唔知點解好多人鍾意企正o係度，如果佢地停Pat Pat 打雙燈，我地就唔使估估下佢地係咪搭電梯繞過佢地行。
話說小弟早前睇到東張西望報導新城將會搞Eason演唱會，演唱會仲有Mr. 同Swing，而演唱會Poster中提及o既SAME WRONG SIN就係由EASON, MR, SWING既英文字母組合出黎，作為消費者o既我合理期望當然係有EASON, MR, SWING三個表演單位o既Cross Over(即類似拉闊)。最終結果係：原來呢個陳奕迅新歌發佈會 (除左臨尾三首舊歌同唱o左幾首別人的歌)，唔緊要喇…..SWING同MR每邊叫做各唱左三首歌(其實大部份都係同EASON合唱)，我覺得點講SWING同MR只係EASON演唱會既表演嘉賓，如果係既點解會有SAME WRONG SIN呢個Concert Title？原本我覺得都算，但係再諗一諗，SWING同MR呢兩位Concert Title有出名既單位佢地無乜點Solo，但點解Concert Title完全無提及過既啤梨可以Solo唱三首歌(加埋香蕉俱樂部係四首)？我尊重表演單位，尊重演唱會，就算比一般演唱會早一個鐘(門票寫晚上七點半)我都唔介意捱肚餓捱胃痛準時入場，到頭來原來演唱會係八點半先開始……之前係不斷Loop廣告同聽啤梨香蕉唱歌(東亞廣告不斷Loop o既時候場內已經Hur聲不斷)，成個Campaign對觀眾可謂零尊重。
作為觀眾，我對Mr. Swing表示十分同情，竟然Concert Title有份但係Solo時間比所謂暖場既表演單位更少。而作為消費者，我對今次贊助商印像十分負面。廣告商跟商業機構應該引以為鑑，廣告並唔係播得越多，成效越大。
最後一句：豬扒減肥只係瘦o左既豬扒，新城點搞都係新城。
整整二十年了!!整整二十年了!!為什麼今天晚上仍然有那麼多人在維園？有無搞錯？為何六四還未得以平反？
悼念活動開始，維園最後一行射燈都關閉了，我聽到一些人在叫囂，是不是因為燭光璀璨的關係？民主黨售賣的h9b8系列tee熱賣，早於上星期經已售馨，是不是因為那些tee做得真的那麼好？每年的璀璨燭光，h9b8 tee，要求平反六四都不是我所期望的，我所期望的是六四早日得以平反，還死難者，還難屬一個公道。
記得早前有內地同胞在維景酒店被隔離七日，在臨離開香港時告訴記者：現在香港跟大陸一樣了! 就我理解從他語氣所指的是香港現在跟大陸一樣差。我不知道他所認知的舊香港有甚麼比內地優勝，但我一直認為香港人的優越感是從我們對自由民主人權的尊重而來的，這是經濟再多好都不能抹殺的，直至聽到曾蔭權的一席話……
當天曾蔭權談及自己的意見可以代表香港人，我聽到後的反應沒有像聽到呂志偉及陳一諤的言論那麼氣憤，反之我對自己所相信的有所質疑，究竟香港人是否就如曾特首所說的那麼見利忘義 ? 今天晚上，破記錄的十五萬人給了我一個確切的答案：我仍然是我所相信的香港人。
謝謝香港人!
上星期六看過”南京南京”，該電影是講述南京大屠殺這點應該大家都知，不過電影大部份時間從日本人角度看南京大屠殺這點可能大家不
知道。這種拍攝手法很難嗎？是的，難度不在於技術，乃在於審批。根據Wiki資料顯示，電影得到中國外交部明確認可，我敢打賭十年前
的中國一定不可能拍到這樣的電影，導演肯定會被封殺，未監禁已算偷笑。64集會跟71遊行小弟都曾經有參與，對中國政府的一些事小弟
未必能完成認同，但從”南京南京”可以看到中國政府的胸襟並非停濟不前，反之能夠接受跟接納的愈來愈多。為何會這樣？中國政府對這
些事情的進步是果，有陸川這樣的導演去做這樣的嘗試才是因。
剛過去的五月十二日是四川地震一週年，當地官員仍然可以告訴大家沒有証據指當時學生傷亡之多跟豆腐渣工程有關，從上星期日所看的”
星期日檔案”得知，証明學校工程出問題的圖則竟成為國家機密，受訪家長會被監視，官員透過賠償令家長不得追究，只要多過幾年，大家
便會淡忘了豆腐渣工程，四川地震只會是一個純天然災害的一個”事件”用作凝聚中國人的情感。 這樣的”方程式”令我想起六四……
不是前港大會長陳一鄂的言論，不是神秘的VIIV貼紙，大家應該不會那麼留意六四。今年是六四事件第二十個年頭，陳一鄂令大家再度思
考六四的本質。對小第而言，六四的本質是人民甚或政府都應該先承認六四事件的存在，六四事件做成大量平民傷亡的事實。
上文提及的因果關係同樣適用於六四，政府是一個體制，體制始終要靠人去推動，在社會有意無意只下，六四無可否認被淡化。而我們總不能守株待兔”期望”政府突然有一天出來告訴你”六四事件死了很多人，對不起”。在六四事件二十週年前夕，在政府還未承認六四事件的時間，希望各位可以出席今年的六四燭光晚會。陸川的嘗試讓我們知道中國政府胸襟闊料，而我們亦應該好讓政府知道我們未能忘記，讓曾蔭權知道”一般香港人”對六四事件的想法。
成功大國不是因為從來沒有過錯，而是敢於承擔過錯。
毓民錠蕉大家都話唔係咁適合，但我夠膽講，過半數香港人暗地裡心存興奮，覺得毓民Good Job！近期不論街市同屋村商場租戶，都對領匯大幅加租深感不滿。我夠膽講，全數領匯股東暗地裡心存興奮，都覺得領匯Good Job，賺多左錢，派息多左股價升，有咩唔好？同埋遲o的公屋係唔會再有人去街市呢o的咁唔衛生o既地方。
大家以為公屋係公公婆婆先住，原來依家愈來愈多年青兼大專學歷爭奪公屋Quota，情況有如A level同CE學生爭入IVE讀High Dip。呢批高學歷，唔知點解勁低收入o既人，其實消費力奇高，領匯應該將所有屋村商場引入LV，Prada，Cartier品牌，逃汰A貨LV雜貨舖。街市全部變身Taste，Citysuper，咁先係真正迎合呢批公屋住戶所需。
雷曼事件某銀行率先派彩，那些投資產品大部份回購價係……零！如果從大家比較認識o既窩輪角度睇，金錢變廢紙並不是甚麼新奇事，現在針酌的是銀行銷售方式。無論如何，兩三個星期前一二三四五六叔都未敢講回購價值o既事候，曾特首以行先死先大無畏精神率先為各苦主報價 – 仲有六七成！如今渣都無得淨，政府由監管責任問題升級至誠信問題，俗o的講就係拿屎上身。既然曾特首覺得o的投資產品仲咁值錢，不如由政府出資回購，你地估下納稅人制唔制？
PS：希望個Ending真係發白日夢先見到……
政府高官不知民間苦況，不知紅隧有幾擠塞，可能佢地真係搭火箭過海吧。小弟俾個建議政府，唔單只解決兩隧問題，仲可以解決中環塞車同埋中上環商業區供不應求o既問題，就係……填海!!
既然維港愈填愈窄，倒不如填滿佢，以後唔使隧道，唔使渡輪都可以由尖咀行過去灣仔，將來灣仔條行人天橋唔單只可以行去會展同稅務大樓，終點會Extend到文化中心。依家係豪宅o既凱旋門將來中產都由資格買，中環可以起多幾棟IFC，繼珠三角融合後，我地黎多個中環尖咀融合，建構香港最大商業區。政府多左塊突大土地，西九文娛區搞唔搞地產，Who Cares？
坦白講，維港空氣咁差，要唔要都無所謂了，係政府先可以咁口面皮將個維港CG到藍得咁假。
NetBugs是...