除了出產iPhone的Apple，Steve Jobs還創立了另一家公司對各位同樣影響深遠 – 這就是Pixar。
十五年前Pixar推出了首部電影Toy Story，觀眾開始接受電腦動畫，業界亦相繼效法。回看過去Pixar的十一部電腦動畫(包括Toy Story 3)，實在不得不驚嘆其創作團隊可以一直保持其作品水準，連Disney也不得不俯首稱臣收購Pixar以解決其”動畫荒”。
Pixar動畫致勝有兩大關鍵 – 1) CG技術：Toy Story之前大家都覺得電腦動畫是”好假好核突”的事物。但時至今日，Pixar的CG效果”像真度”十分好(將會看Toy Story 3的不妨留意一下那些”垃圾袋”)。 2) 故事 – 正當其他動畫主打小朋友市場或者得啖笑的時候，Pixar動畫的故事每每有深一層意義，讓成人觀眾也動容，成為真正的老少咸宜電影，試問除了PIXAR還有那家可以拍到像WALL-E的電腦動畫？像UP內其中一段，用短短的幾分鐘去完整講述生老病死，這是我看過最精彩的。
說回Toy Story 3，第三集跟第一集相隔已經是十五年，由第一集開始看的觀眾可以清楚地在電影看到十五年後Andy的樣子以至家裡的變化。看見新聞組有網民說今集有一個感人的完美結局(完美到令人覺得不會再有續集，見好就收是好，但TS迷難免感到可惜)，但對我來說最感人的不是結尾，而是那個”緊張關頭”，能夠拍攝出比真人電影更動容的東西，正正是我最欣賞Pixar的地方。另外今集的開頭亦十分有創意，還有十分高興看見香港人最愛的三眼仔也有關鍵戲份。只能說，你可以不看嗎？
上星期看Now新聞台林娉婷評Toy Story 3，其中一段她說如果電影本身有好故事，有好內容，其實沒必要看3D(可能非看3D不可的只有這套 )。看過該片後十分同意，因為Toy Story 3吸引我的是故事，再者那些3D其實並非那麼立體(最立體的就是Pixar跟Disney的LOGO)，加上我這些四眼的配戴3D眼鏡其實不是太舒服，因此有得揀的話其實看2D版可能可以更專注於電影本身。耐何香港放映2D版的戲院寥寥可數，說到底是”錢作怪 “，因為3D版門票貴2D一大截，希望院商可以拉近2D跟3D放映比例令觀眾可以真正有選擇。
昨晚在奧海城看過打擂台，實在不能不盡快為大家介紹，不然可能過多幾天便會落畫。
偶然一看Newsgroup，有人將”志明與春嬌”，”飛砂風中轉”以及”打擂台”形容為”港片大震聲威三部曲”。所謂”港片”不單要是非與內地合拍，還要有本地原素。近期這類電影其實還有”歲月神偷”，這部電影的確是不錯，只是對我這個八十後來說實在沒有甚麼大共鳴。
其實這幾部電影都有個共通點：電影名稱或者入場前所期望的跟電影大有不同。”歲月神偷”不是神偷片，”志明與春嬌”這個名其實沒有甚麼問題，問題在於沒人知電影說甚麼，”飛砂風中轉”人們以為是古惑仔續集，誰不知是喜劇，到”打擂台”又是一部甚麼電影呢？
我會形容套戲有笑位但不是喜劇(最後我是感動到喊)，有武打場面但不是功夫片。故事不談太多，不過電影感覺好似Rocky第四集(電影內有Rocky的經典對白)，熱血程度不遜於Rocky。片內幾個老戲骨表現十分出色(包括譚炳文的旁白)，而泰迪羅賓的演出簡直是本片精粹所在，沒有了他的話電影可觀度失了九成，實在不得不讚此片的選角，音樂以至”懷舊”效果都是十分精彩的。
“唔打就唔會輸，要打就一定要贏”。此片結局所帶出的熱血，人們對夢想的堅持令我十分感動。十分高興近期不斷有高質素港產電影出現， 小弟會支持多些港產電影，入場多看港產電影。
這兩個星期發生了兩件事：一) 前陣子跟小學同學食飯，席間我問他們一個問題：516你們有去投票嗎？其中一個同學一句撻埋黎：嘥錢! 然而我明白每個人的選擇都應該予以尊重，但心底裡或多或少也有點失望。二)昨天在茶餐廳跟一個素未謀面的茶客閑談，他說要放東西在網上賣，我跟他說：互聯網不是銷售的捷徑，要成功一樣要有宣傳，要有付出，這是長線投資。那個人答我：哈哈! 我係急功近利架喇，邊有咁得閒搞咁多麻煩o野？
我不時會問自己，自己所想所認為的，是否”超錯”？但看過”打擂台”後，我深明白到”堅持”的重要性。多謝你郭子健，你拍了一齣勵志動人的好電影。
近期小弟忙於工作，希望可以趕及復活節前完成手頭工作”安心”遊大阪(實情係星期六去到澳門都唔知有無飛機搭，日後再談)，所以比較少更新Blog。不過剛剛看過票房，看到上週我看過的那套電影票房極為慘淡，個人認為實是可惜。因此在外遊前有必要跟各位分享一下這套電影，好讓各位可以在上畫期間入戲院支持一下。
我算是半個彭浩翔粉絲，由買兇拍人，大丈夫，公主復仇記，伊沙貝拉到對上破事兒都有睇過，除了出埃及記唔太識欣賞，他的作品我自己都很喜歡。今次志明與春嬌屬愛情喜劇，從戲名與Poster未必領略到電影大綱，可能因此導致票房慘淡。在此不多講內容，然而本人極為討厭人食煙，不過不得不讚彭浩翔將打邊爐(即一大班人圍住食煙)拍得極有美感(尤其楊千嬅)。而彭浩翔將一些十分本地的元素加入電影，拿捏得非常精準，這類題材要”玩得盡”，當今本地可能只有他可以做到(不單指技術，還有資金籌集)。
就算各位唔抽煙，就算各位唔講粗口，我相信志明與春嬌亦可以令各位喪笑，而煙民對該片應該更會有多一份共鳴。如果話”歲月神偷”代表六十年代的香港，那志明與春嬌應該代表今時今日的香港，絕對應該入場一看。
TIPS: 記住睇到最後最後最後戲院開埋燈先走
近期小弟文章比較多提及”80後”，今次為各位介紹屬於”八十歲後” Clint Eastwood執導新作Invictus “不敗雄心”。
Invictus講述南非前總統曼德拉渡過廿七年牢獄後做總統，及後透過欖球賽去改善種族問題。我個人本身十分喜歡Morgan Freeman這位演員，今次他亦不例外演活了曼德拉這角色。而Clint Eastwood透過麥迪文飾演的欖球隊隊長以及總統身邊的人去讓觀眾可以設身處地去想曼德拉所想，這方面Clint Eastwood處理十分不錯。觀看這部電影時我很感動，曼德拉可能不是一個那麼完美的總統，但曾蔭權肯定是一個不聽民意的特首。
整體電影相當不錯，是本年繼”美食瘋球”後個人認為必看之作，一定好睇過依家上畫幾套大片。入場前最好養足精神，因為Clint Eastwood的電影對白句句精警，絕對不能miss任何一句。如果看過後覺得唔錯可以睇返Clint Eastwood自導自演的Gran Torino “驅逐”，同樣十分精彩。
對業界黎講，IMAX係當今最高清震憾o既電影技術，而對觀眾黎講， IMAX係當今最貴o既電影體驗，未計上網訂飛手續費，位位盛惠HK$170。不過慘得過你今日買飛FULL到下年先有位(Weekend零晨三點半場都差唔多FULL晒)，你真係吹佢唔漲。
講返Avatar，據講占士金馬倫係睇過魔戒覺得當時技術拍到佢想拍o既野所以先決定開拍Avatar(事實上Avatar亦有用上魔戒CG製作班底)，亦有另一種講法係Avatar成本太高(依家出黎個數係五億美金)所以集資都用左唔少時間，後者講法其實頗合理，拍套Twlight收三四億，拍套 Avatar可能真係會再多幾億，但問題係拍Twlight New Moon o既成本只係五千萬，係Avatar o既十分一，所以對投資者黎講Avatar絕對係高風險投資。
講返套戲，其實就係講人類對大自然破壞o既老生常談，故事都係正路不過，用最簡單一句影容就係：真人版宮崎駿電影(無論畫面同內容都有相似地方)。至於大家最期待o既3D畫面場景，從技術角度未見創新，不過為電影所創造o既世界觀的確好新穎。原本驚睇十二點子夜場會訓著特登買左鑵雀巢咖啡頂住，但係睇Avatar的確無訓覺o既可能，因為每個場景都係全新，以往電影未曾有過，令人目不暇給。睇2012死人冧樓你會覺得好勁，但都係預計之內，而Avatar o既世界觀對觀眾黎講係Unexpected。由畫面都為電影世界觀創造o既語言，可見占士金馬倫對Avatar o既一絲不苟。至於入唔入場應該唔駛多講，難度我話唔好睇你地會唔入場嗎？
睇完套戲，有四點對於iSquare IMAX o既少少不滿想講：1) UA老問題：前面永遠有個人頭遮住後面 (Megabox係無呢個問題)，雖然唔係太過份，但…..我可是俾HK$170一張飛!! 2) 銀幕唔知點解有o的紋，雖則唔係好覺 3) UA iSquare 無好似UA Megabox咁提供專為”四眼”而設o既3D 眼鏡 4) 睇Avatar頭段唔知點解o的字幕”周圍走”，不過呢個相信唔係UA問題。
最後俾各位三個重要貼士：1) 睇IMAX都係去返Megabox比較好 2) 揀位一定要揀正中，戴住3D眼鏡打則睇效果會唔多掂 3) Last but not least，千萬唔好急一時之快因為黎緊幾日得返頭幾行而照買飛(尤其IMAX)，睇最後一行同第一行價錢係一樣的，但係睇第一行即係玩自己…….點睇呀大佬?!
據講Digital IMAX(又名Lie MAX，即UA iSquare IMAX所用o既技術)無真正IMAX(Megabox)無咁Crystal Clear (UA翻譯做：比真實更真實)，黎緊有機會我會去Megabox睇多次再同各位報告。
小弟第一次感受IMAX巨幕震憾並非在Megabox，而係擁有比Megabox IMAX再高兩層樓巨幕o既台北美麗華大直影城，當時係睇翻生侏羅館。而震憾o既開始並非在電影開始，而係在IMAX戲院入口。當開始安排觀眾入場前，IMAX院o既十多名員工會由戲院入面列對行出黎再o係門口排成一直線，然後面向排隊中o既觀眾鞠躬並齊聲說：歡迎入場!! 我想講o既係，搞戲院唔係一部放映機加個幕就算__數，係咁簡單o既話我都去搞啦，唔該UA真係檢討下o的坐位設計，但願你地再開新戲院o既時候我唔會再見到前面個頭，感謝。
PS: 順帶一提，UA iSquare 裝修有點俗，跟商場本身格格不入，不過算……對UA真係唔可以有要求…..
Recent Comments