我與 talkonly 的十年
今年大年初六晚，talkonly節目做到翌日零晨三點，食埋宵夜(其實可以叫做”早餐”了!!)已經差不多係”清晨”將近五點。我渣車送占士返屋企，之前淨係知佢o係旺角轉N車回家，但係無諗過佢屋企原來遠到連我渣車都覺得勁遠，當時o係度諗：平時佢o係talkonly做成幾粒鐘節目之後搭小巴到旺角轉N車返屋企第二朝點返工？我在車上問佢：咁樣返屋企仲要咁夜咪好”lor”命？佢答：唔”lor”命。
最近心裡我經常對各talkonly主持有個疑問：點解要做talkonly？我經常話talkonly唔係自負盈虧，因為從來都無固定收入，所以talkonly只係一個”自虧”節目。個個星期五晚捱更抵夜做talkonly，返到屋企零晨三四點，仲”支力”過返工但係一個仙都無，真係值得嗎？
我本身其實唔係咁鍾意講o野(以前搭小巴唔係最後一刻無人叫落車我都唔會叫)，口才亦唔了得，只係誤打誤撞o係科網泡沫年代o既Radiorepublic開左個節目，而又咁岩識到小黃做就初期o既talkonly。初期talkonly並唔係諗住講IT，又係誤打誤撞講o左一集寬頻o野變o左做IT節目直到現在。話就話今年係talkonly十週年，其實斷斷續續中間有四年無做到，那段時間有一年我落o左腦場做Sales，可能因為返工講太多，所以工作以外愈來愈少講o野。說話少o左換來係聽多o左，而咁多年來o既聆聽換來一個小總結係：我相信人性本善，但大部人口講同心中所想都會有所差異。
記得有一次請o左個o係學校工作o既嘉賓上黎節目，開台前一齊食飯閒談，當時我在談及校園吸毒問題，嘉賓問我呢o的敏感話題可唔可以細聲o的講。我反問嘉賓點解唔可以o係公眾場合談及社會問題？講真心話應該係人類最自然o既本性，點解永遠要遮遮掩掩？我唔係想怪嘉賓，但實情係當社會人人唔敢或者唔想講真話o既時候，人一定唔會開心，社會衍生問題亦會愈來愈多。而talkonly所堅持係講真話，我地所讚所彈o既未必係所有聽眾所認同，但一定係我地所相信。
答返第一個問題 – 做talkonly真係值得嗎？在我個人而言，此時此刻我仍然覺得值得做。QA經常話o既talkonly風格就我o既解讀係 – 主持中不同立場所產生o既火花。可能大家覺得QA鍾意認叻，但係佢提o既o野夠尖銳，占士雖然說話唔多，但係一句到位，ifg代表住佢o個代，A網友係最有心做資料搜集，地畢最Hyper，馬高對Palm始終如一。我對這樣的talkonly主持組合珍而重之。雖然我對talkonly這種自虧製作模式仍然擔心無以為繼，但無疑因為咁talkonly先可以暢所欲言，無須向任何利益團體賣帳，我相信呢個世界點都要有好似我呢o的咁o既傻仔去顯得聰明人有幾聰明吧？
talkonly一集節目長度分分鐘比某些網台一週節目長度總和還要長，因此與其話講台係一個”節目”不如話係一個”台”。而我經常都有呢個疑問：聽Archive 的聽眾要分多少天才聽畢一集節目？在此小弟十二分感謝各位友好及高質素聽眾對talkonly的支持，當然亦要感謝主持們這些年來的付出。但願talkonly接下來可以好好維持，未敢突破， 但求繼續能為各位聽眾服務，謝謝。
支持&繼續努力!!
小弟上個月先開始聽Talkonly，亦都係Talkonly令到我留意網台節目。
初初係因為見到Talkonly既iPhone app，所以開始聽，之後仲subscript埋podcast。
支持！不過真係要快啲出精華，我想再次重溫roller girl同小黃大佬電腦中毒囉…….真係笑到痴咗傢
keep the good work on~~
Netbugs, 作為一個近 24 個月積極爭取聽 Live 的聽眾。
支持 Talkonly 是因為絕大部份的主持都是 “堅” 信自己所講的野，夠真。無賣任何利益團體的帳。
希望這個氛圍能維持下去！
Outstanding show! 網台之光。
P.S.
- 希望馬高真是沒因為某些網友的追撃、言論而小咗上來 Talkonly;
- A 網友是近來 Talkonly 的 ‘開心/熱誠大發現’ 資料充份，又走在最前線為網友直播(反高鐵立會示威), A 網友，比個 A+++ 你;
- 可能眾主持不知不覺間成就咗一個最能代表 Web 2.0 (這個概念我都是由 Talkonly 得知) 世代，由虛擬走到現實，言論自由度高的 IT 、電影及時事節目 (套用八十年代描述：每週雜誌式點評節目)
- 流料 Roy，等緊你的網交及鬼故環節呀！
加油 … 依家仲聽緊 26/2 果集 … 再追唔到就上黎聽現場啦 …
roller girl 真係好攪笑
小黃大佬電腦中毒係幾時架? iPhone app 可能有 …
支持，繼續努力
我大約用 3日時間聽哂喇
加埋其他台既節目，基本上我都無咩時間聽歌，哈哈
北總好o野!! 加油呀!!
回答你最後一個問題… 通常我在上班撘車途中用三到四天听完一集~
海外听众
Giong@SG.”a boring and 自以為是 place…”
我第一次聽talkonly是05年復播後的第一集節目的重溫，這集我記得是討論有關bt的問題，從此就開始逢星期五都聽直播，到了現在也試過上節目現場參與過，感覺他們都很友善，到現場收聽和在家裡確很不同，須然節目上的討論的話題一些資料可能有出錯，但我覺得talkonly不是一個齋講新聞的節目，大家有互動性，如果主持講錯網友就會作出改正，這是直播的大好處；說到這裡很欣賞netbugs這位年青人，做主持其實很困難，現在每次節目的內容都很豐富，很多話題，很多人在場，要控制場面又要令節目流暢都很花功夫，在這要再多謝netbugs和一班主持，希望未來的talkonly會天天的成長，聽眾愈來愈多，大家一班人開開心心繼續吹水！
我Support你地！奸爸爹！
網台之光唔可以熄滅噶！
我係廣州o既聽眾。
说实话， 有好几集talkonly 小弟重覆听了两次 哈～～～～～
絕對支持！很欣賞你們每一位！你們的熱誠是聽眾感受得到的。雖然不是真實的認識你們，但我從節目中認識你們。好朋友，加油！
北爺同各主持都要加油!
我重好記得第一次係誤打誤撞咁係iTunes個podcast list到搵到talkonly,之後就開始聽啦~
p.s:永遠堅持一日之內聽哂,無論以前係香港或者之後過左黎英國讀書~
支持talkonly!
各主持都做得好好,希望繼續keep到呢個鑽石級o既主持陣容
我平都都係聽開Archive,1-2日就聽完一晚,今晚聽左live,聽ive都唔錯,可以即時俾到feedback,可惜今晚節目有D短 =]
回12-3-10 archive,
小弟是切头切尾，土生土长，在香港受教育的地道香港人。
小弟用简体字是因为用拼音输入法所致，单纯练习普通话拼音而已。
加油！
唔係上來玩過，又點會想自已開過來玩呢！
加油！
我記得4年前netbugs 節目重温好遲先upload
要網友upload 上sendspace download =]
For me , Talkonly give so much happy moment and memory in past 10 years. Keep going !!!!
聽好幾年了(第一集就是roller girl), 網台生態由零星至繁星閃閃，你們(talkonly)的佔上重要的地位。就是因為talkonly非it, 亦非政事, 非娛樂, 但攪笑十足, 所以囊括的聽眾群十分闊, 這個”精心計算”的定位不來不易…….
好想告訴各位主持們: 真心是聽得到的, 沒有真心講, 那有真心聽。不竟真心說話已越聽越少了。
ps. 你不斷的為節目長而道歉，我就覺得大家聽眾應該向你們道謝。聰者辛苦?怎能和講者比。大家願意用一個星期時間來重溫, 是因為大家都想聽….而且是全部。
可以的詁, 請繼續, 加油。
我聽 talkonly 就好像香港八幾咁，很親切，你地要繼續努力，我十萬個支持你地！