戲院低能的二三事
1) 話說小弟之前o係cityline網站分開三次訂左四張變形金剛戲飛，前幾日去到MegaBox準備入場去票機拎飛，點知票機”嘔”得兩張飛，之後去返櫃檯排先知原來票機只可以Print Out頭一個Transaction既飛，之後既要o係返櫃檯拎。唔係話要鬧Cityline服務差，但未免有點低能吧？好似賣飛系統咁，我真係唔多明點解一個賣飛既”網站”可以每日零晨有幾個鐘暫停售票。
2) 我記得以前睇3D電影係要拎”眼鏡”(其實依家都要XD)，不過唔同既係依家離場既時候你可以帶走埋副眼鏡而無須還返俾戲院(百老匯係咁，UA唔肯定)。講穿左係戲院已經賣埋副眼鏡俾你，以百老匯院線票價差額計算眼鏡值HK$30。其實我唔明點解百記要局觀眾要買副3D眼鏡，買都唔緊要，下次再睇3D戲可唔可以揀自備眼鏡減票價呢？
我想同你講,,低能o個個係你…
只要你燙第2次卡已經可以拎到第次transcation o既飛lor….
同埋我想講,,,馬會網上投注O既系統都會凌晨暫停投注2-3個鍾GA,,,
而暫停O個陣都會其實係有波開GA!!!人地唔簡凌晨唔通簡晏晝????
To BB 兄：
感謝你既留言!!
- 我已經Look過幾次都係無飛嘔出黎先排隊拎飛，而個”票機只可以Print Out頭一個Transaction既飛”係個Staff自己講，唔係我講。當然亦有可能係因為三次買飛有兩次唔係用會員身份買，唔知有無關係，不過唔用會員身份買亦都係同佢地個System Short左有關。
- 我係用同類型賣飛網站比較(cinema.com.hk)，我諗唔到點解”每日”都要停幾個鐘。
- 事先聲明，我係對Cityline有偏見，因為Urbtix個System都係虧虧地 (同快達票比較)。